識我既人都知一講IM，我都係叫人轉用 Telegram。身為一日有大半時間對住電腦既我仲點會用個冇desktop版既IM？仲有我有幾部電話，如果個IM只可以用在一部 mobile device 又點可以接受？

講返正題，Telegram 今年一月開始就有 sticker 功能，但係 d sticker 全部都係 d 愛恩斯坦咁既人唔係好吸引。到上兩星期，佢終於出左完全版，可以有 custom stickers set 了，最重要係用家可以自己整 sticker 而製作方法真係十分簡單。

首先，要講下 telegram 既 sticker 有乜特別既地方：

sticker 係以 webp format 儲存，比用jpeg 更細又可以悭 bandwidth。
每個 sticker 會連去一個 emoji，所以你安裝了 sticker 再下 emoji 就可以選 sticker，又或者可以按 sticker icon 去選 sticker。
一個有 sticker 既人 send sticker 比另一個人，對方唔駛安都可以睇到 sticker 的。
Telegram 並冇 sticker store，所以亦冇收費 sticker。
暫時 sticker sets 只可以加去手機 Telegram app，desktop 版只可以睇。
要安裝 sticker，可以 click 類似 https://telegram.me/addstickers/Animals 既 link，之後個 app 就可以加 sticker。

下載 sticker

大家可以到以下地點找你喜愛既 stickers：

自製 sticker

要做一 set sticker 其實好簡單，你只需要一埋 png 圖，最好有透明底，而大小方面，其中一邊一定要512px，另一邊就一定要細過或等於512px。（即係 <512px x >= 512px> / < >=512px x 512 px > ）

製作方法其實係經個一個 Telegram bot 做的，如果大家玩個 IRC 就明點做。即係經個 telegram，打一d command 去一個 Telegram user，而呢個 user 其實係電腦會幫你做個 stickers set 的。

我係用 mac 版既 Telegram，因為你要 send png file，所以最好都係用返 desktop Telegram。首先，你要去聯絡 @Stickers 呢個 user，然後隨便打一d野都會比個 command list 你睇。

首先打 /newstickerpack 就可以開始做 sticker。第一樣係要輸入個 stickers set 既名。

然後就可以一個一個 sticker 咁加入去。你要先選一個emoji icon，作為個 sticker 既 mapping，然後就可以 send 個 png image 過去，注意要send uncompress 如果唔係 Telegram 會先轉個 png 去 jpeg，咁就唔得的。

完成後就可以打 /publish，你要輸入個 stickers set 既 url 名，呢個最好用英文有空格，完成個 bot 就會比條 URL 你，其他人 click 條 URL 就可以安裝呢個 stickers set 了。

如果有朋友 send 個 sticker 比你，你又想用，其實十分簡單，link 也不用。只要喺 sticker 上面double tap，再選 "Info"，就可以見到整個 stickers set 同選擇安裝。

Settings -> Chat Settings -> Stickers 就可以管理 stickers 了。

參考: https://telegram.org/blog/stickers